Arrestohet njeriu i dytë më i fuqishëm i Ukrainës, dikur!

Gjykata e Lartë Kundër Korrupsionit e Ukrainës urdhëroi të enjten arrestimin e Andriy Yermak, një aleat i ngushtë i presidentit Volodymyr Zelensky dhe ish-shef i stafit, nën akuzat për pastrim parash.

Gjykata caktoi gjithashtu një lirim me kusht prej 140 milionë hryvnias (rreth 3.19 milionë dollarë), me të cilin Yermak, i cili i mohon akuzat, do të lirohet ndërsa pret dënimin.

“Nuk kam aq shumë para dhe avokati im tani do të punojë me miq dhe të njohur (për të mbledhur fonde për lirimin me kusht)”, u tha Jermak gazetarëve pas vendimit të gjykatës.

Autoritetet ukrainase e emëruan Yermakun si të dyshuar në një hetim të madh për korrupsion të hënën. Ai është figura më e shquar nga rrethi i ngushtë i presidentit që zyrtarët e antikorrupsionit kanë arritur ta arrestojnë.

🇺🇦 Footage from the hearing in the case of Andriy Yermak. The defendant stated that he does not have the funds to pay the $3.1 million bail, but that he has “enough acquaintances and friends” to cover it.https://t.co/2cUZnkHRPg pic.twitter.com/xOTFxMN4tz

— RusWar (@ruswar) May 14, 2026

Shërbimet ukrainase kundër korrupsionit thanë se Yermak dyshohej për pjesëmarrje në një organizatë kriminale përgjegjëse për pastrimin e rreth 10.5 milionë dollarëve përmes ndërtimit të pronave të banimit elitar në afërsi të kryeqytetit, Kiev.

Jermak konsiderohej personi i dytë më i fuqishëm në Ukrainë, pas Zelensky-t, i cili kishte një ndikim të madh në politikën ukrainase, pavarësisht faktit se ai ishte në një pozicion për të cilin nuk u zgjodh nga qytetarët, por u emërua.

Ish-producenti i filmave dhe avokati shfaqej rregullisht përkrah presidentit në ngjarje publike dhe ishte kryenegociatori i Kievit në bisedimet e paqes me Rusinë të ndërmjetësuara nga Shtetet e Bashkuara./Indeksonline/