Arsim Kabashi pasi Ballkani fitoi Kupën e Kosovës: Synojmë Ligën e Evropës

Ballkani e ka fituar Kupën e Kosovës në futboll për herë të parë në histori të klubit.

Pasi e siguroi titullin e tretë radhazi të kampionit, suharekasit triumfuan pas penalltive ndaj Prishtinës në finale të Kupës.

E ndeshja deri në fundin e penalltive ishte jashtëzakonisht dramatike.

Pas fitimit të trofeut të Kupës, presidenti i Ballkanit, Arsim Kabashi tha se do të synohet Liga e Evropës.

“As në ëndrrat më të mira se kam menduar se do t’i fitojmë dy trofetë përnjëherë. Tash e kemi festë, dy tri ditë do të pushojmë. Me trajnerin natyrisht do të vazhdohet. Do të mundohemi sa më shumë, synim e kemi Ligën e Evropës”, tha Kabashi.