Arsyeja e vërtetë pse fotot e princit Harry dhe Meghan Markle-t u hoqën nga postimet e Kris Jenner

Princi Harry dhe Meghan Markle u zhdukën nga postimi i Kim Kardashian nga festa e 70-vjetorit të nënës së saj, Kris Jenner, ku ishte mbushur me plot yje. Tani arsyeja thuhet se është zbuluar.

Duka dhe Dukesha e Sussex-it ishin vetëm dy nga shumë të ftuarit e pranishëm në festë gjatë fundjavës, e cila u mbajt në rezidencën 165 milionë dollarëshe të Jeff Bezos në Beverly Hills, transmeton Indeksonline.

Sipas “People”-it, Meghan dhe Harry thuhet se nuk ranë dakord që fotot e tyre të bëra brenda festës të mund të publikoheshin.

Çifti i cili u martua në vitin 2018 dyshohet se zgjodhi opsionin ‘jo’ në një formular për foto, gjë që bëri që imazhet të fshiheshin nga rrjetet sociale të Kris dhe Kim.

“Daily Mail” ka kontaktuar përfaqësuesit e princit Harry dhe Meghan si dhe të Kim dhe Kris për komente, por nuk ka marrë përgjigje./Indeksonline/