Artistët shqiptar që lanë profesionet e tyre dhe u futën në politikë

Kosova ka arritur që të ketë talent të mëdhenj, duke korrur suksese në secilën fushë.

Por, ndodh që përveç aktrimit e muzikës, këta persona të aktivizohen edhe në fusha të tjera, shkruan Indeksonline.

Fillojmë me deputeten Eliza Hoxha, e cila në fillim të karrierës është njohur si këngëtare. Pastaj ka hequr dorë nga kënga duke u shndërruar në një arkitekte tejet e suksesshme. Këtë vit ajo është regjistruar për herë të dytë si deputete, duke korrur suksese edhe në këtë drejtim. Ajo është pjesë e PDK-së.

Memli Krasniqi, filloi karrierën gjatë viteve të 90-ta duke formuar grupin ‘Ritmi i Rrugës’, që atë kohë ishte inspirim për gjithë rininë. Ai vendosi të merrej me politikë ku këtë vit është përzgjedhur edhe drejtori i PDK-së.

Adriana Matoshi, aktorja e njohur kosovare këtë vit hyri në zgjedhje për t’u bërë deputete e Kuvendit të Kosovës. Duke fituar shumicën e votave ajo siguroj ulësen në Kuvend, duke qenë ndër femrat më të dashura për qytetarët. Ajo është pjesë e VV-së.

Si dhe për fund renditet deputetja Blerta Deliu-Kodra, e cila gjithashtu në fillim të karrierës është njohur si aktore në serialin vendor ‘Kafeneja jone’. Ajo është njëra nga deputetet më të suksesshme në Kuvend nga rradhët e PDK-së./Indeksonline/