Asist i Muriqit, por Mallorca lë dy pikë ndaj Bilbaos
Atheltic Bilbao i hoqi dy pikë “in extremis” Malloracas në sfidën me tyre në kuadër të javës së 32-të të La Ligas.
Skuadra ishullore mori vetëm një pikë në shtëpi ndaj baskëve, të cilët e barazuan rezultatin në limitet e shtesës me penallti.
Mallorca kaloi në epërsi në minutën e 58-të falë golit të shënuar nga koreano-jugori Lee Kang-In, i shërbyer nga sulmuesi dardan, Vedat Muriqi, që edhe pse nuk e gjeti vetë rrjetën, ishte pikë referimi në majën e sulmit të Mallorcas.
공격의 시작과 끝이였던 리그 6호골 강인아 축하해🎉 6골 4어시 공포 두자리 달성🥹 pic.twitter.com/auEzg6H1mP
— 아강이 (@LeeKangIn_219) May 1, 2023
Shtatlarti i lindur në Prizren ia la vendin e tij në minutën e 85-të sulmuesit Kadewere.
Kur po luheshin minutat shtesë të ndeshjes, ekipi bask fitoi një 11-metërsh, që e shndërroi në gol Inaki Williams.
Me 41 pikë në klasifikim, kur kanë mbetur edhe tetë ndeshje për t’u luajtur, Mallorca praktikisht e ka arritur objektivin parësor: mbijetesën.
