Aston Villa përmbys Brentfordin, merr fitoren e tretë radhazi

Aston Villa ka shënuar fitoren e tretë radhazi në Premierligë.

Pasi mposhti Manchester Cityn dhe Arsenalin, skuadra e Unai Emery triumfoi si mysafire e Brentfordit, me rezutat 2-1, shkruan IndeksOnline.

Kjo fitore kishte shije tjetër, pasi Aston Villa arriti ta përmbyste rezultatin nga 1-0 në 1-2.

Vendasit ishin të parët që kaluan në epërsi me golin e Keane Lewis-Potter në minutën e 45-të.

Aston Villa nuk u dorëzua dhe arriti ta përmbys rezultatin në 15 minutat e fundit të ndeshjes.

Alex Moreno 77’ dhe Ollie Watkins 85’ ishin golashenues për skuadrën e Unay Emeryt.

Kjo fitore e ngrit Aston Villën në vendin e dytë në tabelë, me 38 pikë, një më pak se Arsenali.

Në anën tjetër, Brentford renditet në pozitën e 12-të, me 19 pikë të grumbulluara./IndeksOnline/