Athletico Madrid e akuzon Barçën për mungesë respekti në lidhje me Griezmann
Atletico Madrid lëshoi një deklaratë në të cilën e fajësoi rëndë Barcelonën për negociatat në lidhje me Griezmannin, i cili tani është i gatshëm t’i bashkohet Barcelonës, shkruan Calcio Mercato përcjell Indeksonline.
“Lidhur me deklaratat e presidentit të Barcelonës mbi lojtarin tonë Antoine Griezmann, Atletico Madrid dëshiron të nxjerrë në pah publikisht se më 14 maj, Griezmann informoi Miguel Angel Gil, Diego Simeone dhe Andrea Berta për vendimin e tij për t’u larguar nga skuadra në fund të sezonit. Në ditët në vijim, Atletico Madrid mësoi se lojtari dhe Barcelona kishin arritur një marrëveshje në mars, kryesisht në ditët pas ndeshjes tonë kundër Juventusit, ndërsa ne po negociojmë kushtet e marrëveshjes që nga mesi i shkurtit”.
Duke iu referuar deklaratave nga Bartomeu, ne duam të specifikojmë se po, është e vërtetë që u mbajt ky takim, i kërkuar nga Barcelona, në të cilën zoti Grau shprehu qëllimin e tij, sapo mësoi se klauzola po kalonte nga 200 në 120 milionë, për të paguar tarifën e planifikuar për 1 korrik.
Reagimi i Atletico Madrid ishte qartë negativ, duke theksuar se si Barcelona ashtu dhe lojtari nuk kishin treguar respekt për Atletico Madridin dhe të gjithë tifozët e saj.
Si rezultat i gjithë kësaj, sot, Atletico Madrid i kërkoi lojtarit dhe motrës së tij që është në rolin e avokatit, që Antoine Griezmann sipas detyrimeve të kontratës me klubin tonë, të dalë të dielën për të filluar stërvitjet për sezonin e ardhshëm me pjesën tjetër të shokëve të tij.
Atletico dëshiron të shprehë dëshpërimin e saj për sjelljen e të dyve, sidomos të Barcelonës, për shkak se e ka detyruar lojtarin të mos i përmbahet kontratës, në një kohë kur klubi po luante jo vetëm Ligën e Kampionëve me Juven, por edhe për titullin e La Ligas, diçka që ndikon shumë në klubin tonë dhe për miliona tifozë, u dekarua klubi i Athletico Madrid.//Indeksonline//.
