Austria merr vendimin, këto janë rregullat e reja për mërgimtarët

Ambasada e Republikës së Kosovës në Vjenë ka marrë vendimin, lidhur me hyrje-daljet në Republikën e Austrisë dhe Republikën e Kosovës.

Qeveria e Republikës së Austrisë më 1 korrik 2020 gjatë një konference për media ka marrë vendimin si vijon:

• Austria zyrtarisht ka paralajmëruar dhe rekomanduar shtetasit e saj që të mos udhëtojnë në shtetet e Ballkanit Perendimor duke u bazuar në rritjen e numrit të të infektuarve me COVID-19.
• Hyrja në shtetin e Austrisë nga shteti i Republikës së Kosovës mund të ndodhë vetëm me anë të dëshmisë së testit jo më i vjetër se 4 ditë që rezulton të jetë negativ nga COVIDI-19 ose me deklarim për vetizolim 14 ditë.
• Hyrja në Republikën e Austrisë vlen vetëm për personat që kanë vendbanim/lejeqëndrim në Austri.
• Kalimi Transit nëpërmjet Austrisë është i mundur vetëm nëse nuk ndalohet në territorin e Republikës së Austrisë.

Hyrja në Republikën e Kosovës:

Aktualisht rregullorja për hyrje në Republikën e Kosovës rekomandon, që çdo qytetar të ketë dëshminë që rezulton negativ me COVID -19, por kjo dëshmi nuk është e obliguar./Indeksonline/