Autobusët e rinj nesër në qarkullim, risi në linja
Kryetari i Komunës së Prishtinës, Shpend Ahmeti, ka paralajmëruar se 21 autobusët e rinj të ardhur ditë më parë në kryeqytet do të hyjnë në qarkullim nesër.
Kryetari Ahmeti thekson risit e trafikut urban, dy linja të reja dhe shtim të qarkullimeve në fshatrat Gollak dhe Keqekollë, transmeton Indeksonline.
Ky është postimi i plotë:
“ Nesër, me 1 tetor, do të jenë në qarkullim edhe 21 autobusë të tjerë.
Risi është linja e Kalabrisë që fillon te Pastrimi dhe kalon në disa rrugë të Kalabrisë përfshi rrugën te Stacioni, dhe “Banesat e Arapëve”.
Po ashtu linjes 3 do ti shtohet edhe një sub-linjë që kalon te Princi u Arbërit dhe përshkon edhe gjithë rrugën Muharrem Fejza.
Një autobus do të qarkullojë tre herë në ditë në fahatrat e Gollakut deri në Keqekollë.
Sa për ilustrim, bashkangjitur janë vizatimet në Maps e ditëve në vijim do ti paraqesim hartat e sakta ne stacione si dhe broshurat.
Urime!” /Indeksonline/.