Autostradat ndriçohen në prill

Punimet në autostradën “Ibrahim Rugova” kishin përfunduar para gjashtë viteve, ndërsa ajo “Arbën Xhaferi” është në përfundim e sipër, por pavarësisht kësaj ndriçimi në hyrje-dalje ende u mungon atyre.

Edhe pse shtyllat ndriçuese janë të vendosura që nga fillimi, ato asnjëherë nuk janë ndezur.

Lidhur me këtë Indeksonline ka kontaktuar ministrin e Infrastrukturës, Pal Lekaj.

Ai ka deklaruar se procedurat për ndriçimin e autostradave janë në përfundim e sipër dhe se në prill pritet të fillojnë punimet.

I pyetur lidhur me arsyen e vonesës së ndriçimit të hyrje-daljeve të autostradave, kreu i MI-së ka thënë se ka të bëjë me ankesat e operatorëve ekonomik.

“Për shkak të ankesave të operatorëve ekonomik. I parasheh ligji për prokurim publik”, ka shtuar Lekaj.

Ndryshe në hyrje-dalje të këtyre autostradave shpesh herë kanë ndodhur edhe aksidente me pasoja fatale./Indeksonline/