Avokatët kontrollohen detajisht sot në Gjykatë, kjo është arsyeja!
Avokati Arianit Koci ka bërë të ditur se sot avokatët janë kontrolluar detajisht në Gjykatën Themelore në Prishtinë.
Sipas tij preteksti i gjithë këtij kontrolli ishte gjykimi i deputetëve të Lëvizjes Vetëvendosje, të cilët akuzohen për hedhjen e gazit lotsjellës në Kuvendin e Kosovës, shkruan Indeksonline.
Sipas Kocit, problem është se prokurorët, gjykatësit dhe punonjësit e gjykatës nuk po kontrollohen dhe se ky është argument që avokatët nuk janë të barabartë me prokurorët ashtu siç e parashohin ligjet pozitive.
Ky është postimi i plotë:
Gjykimi i Albin Kurtit dhe të tjerëve, ishte pretekst që sot ne avokatët të kontrollohemi detajisht në Gjykatën Themelore në Prishtinë.
Problemi është se prokurorët, gjykatësit dhe punonjësit e gjykatës nuk po kontrollohen. Kjo është argument që avokatët nuk janë të barabartë me prokurorët ashtu siç e parashohin ligjet pozitive.
Nuk jam kundër kontrolleve, sa herë vlerësohet nga ana e organeve të sigurisë. Por, jam kundër që kontrollet dhe rregullat të zbatohen selektivisht.