Bahrije Hyseni nga tubimi në Ferizaj: Sot na dëshmuat edhe një herë që ndryshimi po vjen

Kandidatja për deputete në radhët e LDK-së, Bahrije Hyseni, ka marë mbështetje të madhe në Ferizaj.

Hyseni, përmes një postimi në facebook është shprehur se masiviteti i tubimit i jep edhe më shumë kuptim përkrahjes së madhe që kemi gjithandej.

Ndërsa theksoi se Lidhja Demokratike e Kosovës është shpresa e Ferizajit tonë dhe Kosovës tonë.

“Falemnderit Ferizaji, falemnderit për përkrahjen e madhe!

Masiviteti i tubimit i jep edhe më shumë kuptim përkrahjes së madhe që kemi gjithandej, çdo ditë. Tani, populli po flet, po flet çdo ditë e më shumë, çdo ditë e më fort, çdo ditë e më me bindje.

Lidhja Demokratike e Kosovës është shpresa e Ferizajit tonë dhe Kosovës tonë!

Sot na dëshmuat edhe një herë që ndryshimi po vjen!”, ka shkruar Hyseni.

Kujtojmë se në zgjedhjet e 9 shkurtit, Bahrije Hyseni kandidon me numër 99./Indeksonline/