Bahtiri: Askush nuk mund të sjellë banorë nga Serbia në një lagje të Mitrovicës

Kryetari i Komunës së Mitrovicës, Agim Bahtiri përmes një shkrimi të postuar në llogarinë e tij Facebook ka treguar se mbështet kërkesat e shqiptarëve të lagjes “Kroi i Vitakut”,të cilët nuk po lejojnë zhvillimin e punimeve për ndërtimin e objekteve të banimit për kolonët që Serbia dhe strukturat kriminale të veriut po duan t’i vendosin aty.

“Askush nuk mund të sjellë banorë nga Serbia në një lagje të Mitrovicës.

Tentimi për kolonizimin e veriut dhe veçanësisht “Kroit të Vitakut” po ndodh në kohën kur shqiptarëve nuk po ju lejohet ndërtimi i shtëpive të tyre, ani pse kanë kaluar 20 vite nga përfundimi i luftës kur pushtuesi serb i dogji këto shtëpi”, ka shkruar Bahtiri, përcjellë Indeksonline.

Ndryshe i pari i Mitrovicës i ka bërë thirrje institucioneve qendrore të Republikës së Kosovës që të ndërmarrin veprime konkrete për kthimin e shqiptarëve në tokat e tyre në veri të vendit./Indeksonline/