Bajqinovci – Mustafës: Prof, populli s’po u beson juve, e as institucioneve të drejtësisë që i keni kapur
Deputeti nga radhët e Lëvizjes Vetëvendosje, Mefail Bajqinovci, përmes një postimi të bërë në Facebook, i ka reaguar kryetarit të LDK-së, Isa Mustafa.
Duke iu kundërpërgjigjur statusit të fundit të Mustafës, Bajqinovci thotë se “populli nuk po u beson juve, e as institucioneve të drejtësisë që i keni kapur. Kaq e thjeshtë është prof. Shnet”.
Ky është postimi i plotë i tij:
Isë,
Po të ndihmojmë pak me i kuptu statistikat dhe me i lexu mesazhet e brendshme të tyre.
Paske thënë si ka mundësi me pas pëlqyeshmëri kaq të lartë një Qeveri që na e paska shkelë Kushtetutën dy herë.
Pra, Isa pak a shumë, ose nën rreshta, e paska nënçmu standardin e vlerësimit të popullit.
Ngo Isë, të jesh i sigurt që populli ynë që ka luftuar aq shumë për liri, pavarësi, shtet e Kushtetutë e të drejta kurr nuk e përkrahë një Qeveri që e shkelë Kushtetutën. Pra as Qeveria Kurti nuk e ka shkelë Kushtetutën në kohën e pandemisë.
Ise, shefi yt Hashimi, përmes vulës së Gjykatës ka thënë se Qeveria e ka shkelë Kushtetutën. E në të vërtetë, ashtu siç dekreti presidencial rishkrues i Kushtetutës është antikushtetues, po aq edhe veprimet e Qeverisë për ruajtjen e jetës dhe shëndetit të qytetarëve kanë qenë absolutisht të mbështetura në Kushtetutë.
Prandaj prof, populli nuk po u beson juve, e as institucioneve të drejtësisë që i keni kapur. Kaq e thjeshtë është prof. Shnet.