Bajrami: Pres nga Armend Muja që të ju adresohet protestuesve dhe t’i bindë se ”atyre u janë rritë pagat së paku 200 euro në tri vitet e fundit vetëm se ata nuk po e dinë”
Deputetja nga radhët e LDK-së, Hykmete Bajrami, ka reaguar në lidhje me protestën e punëtorëve teknik të Kuvendit të Kosovës që priten sot të protestojnë për shkak të pagave të ulëta, përcjell IndeksOnline.
Bajrami tha se Qeveria e propagandës ka deshtu më ndryshu pagën minimale, ndërsa i bëri thirrje deputetit të LVV-së, Armend Muja, që të ju adresohet protestuesve dhe t’i bindë.
Ajo gjithashtu tha se çmimet janë dyfish më të larta në krahasim më vitin 2021 dhe se kjo rrogë e punëtoreve shkon komplet në ushqim e fatura të rrymës./IndeksOnline/
Postimi i plotë:
Sot, punëtorët e kompanisë që ka përgjegjësinë për mirëmbajtën e ndërtesave të Kuvendit protestojnë për shkak të pagave të ulëta. Pres nga deputeti Armend Muja që të ju adresohet protestusëve dhe t’i bindë se ”ata i kanë pagat mjaftushëm të larta, se atyre u janë rritë pagat së paku 200 euro në tri vitet e fundit vetëm se ata nuk po e dinë”.
Qeveria e propagandës, ka dështu me me ndryshu pagën minimale, ka dobësu sindikatat dhe nuk është marrë me asnjë çështje sociale nëse kjo e fundit nuk ka rezultu direkt në votë e në përkrahje për LVV-në.
Organizatat buxhetore si puna e Kuvendit, kur japin kontrata për shërbime kompanive private, një nga kriteret duhet me qënë edhe paga që kanë me i pagu punëtorët. Të paktën kompanitë që financohen nga buxheti i shtetit nuk duhet me leju që paga minimale e atyre punëtorëve me qënë nën pagën minimale të stafit të organizatës.
Mos harroni këta janë punëtorë që komplet paga mujore ju shkon në ushqim e fatura të rrymës, e çmimet janë dyfish me të larta në krahasim me vitin 2021.
Ka tri vite që në të gjitha matjet vendore e ndërkombëtare sfida me e madhe e qytetarëve të vendit është përballushmëria me çmime të larta. Qeveria me mospunë e mosveprime i ka varfëru qytetarët e vendit, andaj sa me parë që këta përtacë shkojnë në shtepi është më mirë për vendin.
