21:35 / E Premte, 01 Dhjetor 2017 / indeksADMonline

Bali digjet, turistët bëjnë foto

Mali Agung në Bali po kërcënon që të shpërthejë dhe banorët vendas janë shumë të frikësuar, por turistët kanë “përmbytur” Instagramin me fotot e tyre duke pozuar përballë vullkanit.

Ka një javë që mali nxjerr hi të zi vullkanik, duke krijuar pamje dramatike në zonën përreth, që është pjesë e një prej resorteve më të famshme turistike në botë. Por, kjo pamje, për turistët është një mrekulli e vërtetë.

Ata bëjnë foto pa pushim, ndërkohë që më shumë se 100 000 banorë vendas janë evakuuar. Herën e fundit që ky vullkan ka shpërthyer, kanë vdekur rreth 1100 persona.