Baneri interesant i Gripshit me fanellën e Suharekës, merr shumë reagime në rrjetet sociale
Skuadra e Ballkanit u kualifikua në finalen e madhe të Kupës së Kosovës në futboll, pasi eliminoi rivalin lokal, Suharekën – edhe pse ndeshja u mbyll 2:2 (3:2 rezultati i përgjithshëm).
Në stadiumin e kampionit aktual të Superligës së Kosovës u shfaq një baner interesant, shkruan Indeksonline
Ishte fotoja e mesfushorit, Nazmi Gripshi – i cili u shfaq me fanellën e Suharekës, rivalit të klubit të Ilir Dajës.
Nuk dihet nëse Gripshi ka pasur bisedime me klubin e Suharekës, por atje në Therandë mendojnë se 26-vjeçari do të transferohet te ekipi i “verdhë”.
Gripshi me Ballkanin ka një kontratë që skadon në verën e vitit të ardhshëm, kurse vlera e tij sipas sajtit “Transfermarkt” shkon deri në 500 mijë euro.
Gjatë afatit të janarit, Gripshi kishte oferta edhe nga skuadra europiane, por ai qëndroi te Ballkani për t’i arritur synimet e klubit./Indeksonline/