Banka Botërore alokon 12 miliardë dollarë për garantimin e vaksinës antiCovid-19, për vende të varfra

Banka Botërore njoftoi sot miratimin e një plani ndihme prej 12 miliardë dollarësh për të garantuar për vendet në zhvillim akses të shpejtë për vaksinat, kur ato të jenë të disponueshme.

“Kjo shumë do të shërbejë për të financuar blerjen dhe shpërndarjen e vaksinave, testeve dhe trajtimeve kundër COVIDIT-19 për qytetarët e tyre”, theksoi institucioni i uashingtonit në një komunikatë, raporton ATSH-ja.

Sipas saj, kjo mund të mundësojë vaksinimin e deri një miliard personave.

Ky njoftim, që u bë në kuadër të takimeve të vjeshtës të Bankës Botërore dhe Fondit Monetar Ndërkombëtar, ndodh ndërkohë që dy prova klinikë janë pezulluar gjatë 24-orëve.

Laboratorët farmaceutikë amerikanë ”Johnson & Johnson” dhe ”Eli Lilly” kanë pezulluar provat klinike, për një vaksinë dhe për një trajtim eksperimental kundër COVIDIT-19, koha për të vlerësuar efektet anësore të mundshme te pjesëmarrësit, një pengesë e re në lufta kundër pandemisë që po zhvillohet në botë.

Banka Botërore synon, me këtë njoftim, të dërgojë sinjalin në industrinë kërkimore dhe farmaceutike që qytetarët e vendeve në zhvillim duhet të kenë gjithashtu akses në vaksinat e sigurta dhe efektive kundër COVIDIT-19.