15:03 / E Shtunë, 21 Nëntor 2020

Barack Obama ka “frikë” nga vajza e tij 19-vjeçare

Mund të kesh drejtuar gjithë Amerikën, por s’është çudi të kesh “frikë” nga vajza jote 19-vjeçare. Ish-presidenti Barack Obama, gjatë një interviste me Jimmy Kimmel foli për librin e tij “A Promised Land”, por sigurisht u ndal edhe tek jeta familjare.

Ndër të tjera, Obama tha se herë herë “ka frikë” nga Sasha, vajza e tij 19-vjeçare. Arsyeja?! Ajo është identike me nënën e saj, Michelle dhe Barack i druhet pak këtij fakti.

“Arsyeja është se Sasha është një mini Michelle dhe unë kam frikë nga Michelle.”- u shpreh ai duke shtuar se vajza e vogël ka të njëjtën sjellje dhe pamje si ish-Zonja e Parë.

Sigurisht, presidenti sqaroi se ishte thjesht një batutë, duke qenë në familjen e tyre përgjithësisht shakatë bëhen mbi të.

Në librin e ri, që është tashmë në shitje, Obama flet për jetën presidenciale dhe ndikimin që pati kjo periudhë në jetën familjare dhe martesën me Michelle.

President Barack Obama, First Lady Michelle Obama, and their daughters, Sasha and Malia, sit for a family portrait in the Oval Office, Dec. 11, 2011. (Official White House Photo by Pete Souza) This official White House photograph is being made available only for publication by news organizations and/or for personal use printing by the subject(s) of the photograph. The photograph may not be manipulated in any way and may not be used in commercial or political materials, advertisements, emails, products, promotions that in any way suggests approval or endorsement of the President, the First Family, or the White House.Ê

“Pavarësisht famës dhe suksesit të Michelle, unë ndjeja një tension të brendshëm tek ajo. Dukej sikur sapo u mbyllëm brenda mureve të Shtëpisë së Bardhë, të gjithë zhgënjimet dhe frustrimet e saj të mëparshme u bënë më të përqëndruara, më të gjalla, ndoshta nga zhytja ime gjatë gjithë ditës në punë, apo mënyra se si politika e ekspozonte familjen tonë. Ndoshta sulmet e herëpashershme apo tendenca e miqve dhe familjarëve për ta trajtuar rolin e saj si dytësor për nga rëndësia,” u shpreh Obama.

Kujtojmë që Obama pak ditë më parë ka publikuar librin “A Promised Land” që flet për eksperiencën në Shtëpinë e Bardhë./Indeksonline.