Barcelona afër marrëveshjes së re me Ansu Fati

Barcelona ka avansuar bisedimet me sulmuesin anësor, Ansu Fati, në lidhje me marrëveshjen e re, transmeton Indeksonline.

Kontrata e tanishme e spanjollit skadon në vitin e ardhshëm dhe kjo e ka shtyrë klubin që t’i fillojë bisedimet me agjentin e tij.

Klubi e sheh Fatin si prospektin më të madh të skuadrës, madje i ka besuar numrin 10 pas largimit të Messit dhe tani janë në bisedime me agjentin e tij Jorge Mendes kështu që marrëveshja e re mund të ndodh.

Fati pësoi një lëndim vitin e kaluar i cili e mbajti jashtë fushave për 290 ditë ndërsa tani është rikthyer në stërvitje të plota. /Indeksonline/