Barcelona nënshkruan me Lucas Roman, sot pritet ardhja e yllit belg

Lucas Román, një sulmues 18-vjeçar argjentinas, ka nënshkruar me Barcelonën deri në vitin 2026. Supertalenti është transferuar nga skuadra e Ferro Carril.

Barcelona i ka vënë klauzolë 400 milionë euro argjentinasit. 1.1 milionë euro i ka kushtuar Barçës blerja e Roman.

18 vjeçari luan si sulmues i krahut ndërsa fillimisht do të jetë pjesë e skuadrës B të Barcelonës.

Skuadra katalonase sot është duke punuar që të sjell edhe Carrascon e Atleticos. Bisedimet janë në rrugën e duhur dhe ka shumë gjasa që ylli belg të huazohet deri në fund të sezonit./Indeksonline/