Basha: Konjufca është njeri me shumë vlera, na duhet një kuvend që funksionon sa më shpejt

Kryetari i Vetëvendosjes, Albin Kurti, ka propozuar Glauk Konjufcën si mandatar të dytë për kryeministër të Kosovës.

Nga ana e tij, kryeparlamentari Dimal Basha ka komentuar për këtë vendim, duke theksuar rëndësinë e përzgjedhjes së mandatarit.

“Ne e kemi siguru mandatarin, kjo është me rëndësi. Njeri me shumë vlera sic është Glauk Konjufca. Dhe arsye edhe siç i përmendi janë të dyfishta t’u ikim zgjedhjeve për shkak që ky popull nuk e ka luksin me shku në zgjedhje dy herë, e dyta kemi buxhetin e shtetin, buxhetin e komunave dhe i kemi mbi 700 punonjës të RTK-së që i presin pagat e tyre dhe për këtë na duhet një kuvend, i cili funksionon për me vazhdu sa ma shpejt. Shpresoj që opozita t’i thërrasë arsyes dhe ta votojë Glauk Konjufcën”, transmeton IndeksOnline.

Vendimi pritet të ketë ndikim të rëndësishëm në procesin politik dhe funksionimin e institucioneve të Kosovës./IndeksOnline/