Batatina: “A kanë fituar diçka këta analistat që nuk e llogarisin Llapin pretendent?”
Drejtori i Llapit, Tahir Batatina nuk pajtohet me analistët të cilët nuk e llogarisin Llapin pretendent për titullin e kampionit.
Ish trajneri i kësaj skuadre thotë se Prishtina dhe Feronikeli në ndeshjet e Digitalb Kupës nuk treguan se janë më të mirë se Llapi.
“Po mendoj që janë bërë shumë analista. A kanë fituar ndonjë trofe apo a kanë ndonjë sukses në karrierën e tyre që të bëjnë këtë vlerësim?
Ndoshta është më mirë të mos na llogarisin si pretendent, ne do të vazhdojmë punën tonë. Trajneri i ri Xhengiz Rexhepi, nuk e ka me çdo kusht të fitoj titullin. Ne i pamë në Kupë, Feronikelin e Prishtinën. Ato nuk treguan që janë më lartë se Llapi. Sa i përket blerjeve të reja jemi jashtëzakonisht të kënaqur” deklaroi Batatina për Indeksonline.
/Indeksonline/