Batatina: Llapi do ta përfundoj sezonin në vendin e tretë

Llapi arriti fitore të madhe për t’i ikur më në fund zonës që të rrëzon nga Superliga.

Skuadra nga Podujeva fitoi 3-2 në “Zahir Pajaziti” ndaj një rivali të fortë si Feronikeli.

Pas ndeshjes deklaratë për medie dha edhe trajneri i skuadrës fituese, Tahir Batatina.

“Klodian Duro është dashur ta dijë se së pari ka ardhur të luaj në “Zahir Pajaziti” stadium ky që është i zjarrtë për secilën skuadër”.

“Kemi dominuar non-stop, kemi realizuar mirë ndeshjen.. ata kanë ardhur të mbrohen me 3-5-2, por sido që të jetë djemtë luftuan dhamë maksimumin dhe treguam që Llapi nuk e meriton pozitën në të cilën ishim”.

“Shumë skuadrave në Kosovë do t’iu dhemb koha kur të luajnë kundër Llapit, skuadra është në nivelin e duhur… shpresoj që t’i eleminojmë gabimet e vogla, fokusin do e kemi tek ndeshja ndaj Onix për kupë”.

“Në pranverë do e shohim një Llap krejt më ndryshe, në fund të sezonit do jemi në pozitën e tretë, por asnjëherë nuk thojmë se nuk mund të jemi në pozitën e dytë” – përfundoi Batatina.