Bayerni kërkon me çdo kusht Leaon, dëshiron shkëmbim me yllin e skuadrës
![](https://indeksonline.net/wp-content/uploads/2022/10/rafael-leao-2.jpg)
E ardhmja e Rafael Leaos vazhdon të jetë në pikëpyetje, me rinovimin e kontratës që është kthyer në një çështje te Milani, teksa sulmuesi po kërkohet me ngulm nga shumë skuadra europiane.
Së fundmi, mediat gjermane kanë raportuar se garës për shërbimet e portugezit i është bashkuar edhe Bayerni Munich. Kampionët e Gjermanisë dëshirojë të përforcojnë repartin e avancuar me një lojtar të talentuar që ka shpalosur të gjithë vlerat e tij në Seria A, teksa drejtuesit po mendojnë të heqin dorë nga Coman për të bindur Milanin.
“Bavarezët” janë të gatshëm të ofrojnë një shkëmbim Coman-Leao, duke marrë parasysh që kontrata e portugezit skadon në verën e vitit 2024, dhe praktikisht klubi italian do të gjente menjëherë zëvendësuesin e Leaos.
![](https://www.supersport.al/wp-content/uploads/2023/01/fcb_ps_coman_1920.jpg)
Francezi Coman, vetëm një vit më parë rinovoi me bavarezët deri në vitin 2027, por largimi i tij për t’i hapur rrugë Leaos është mundësi konkrete. Situata në Gjermani është mjaftë e qartë, vera e vitit 2023 prite të jetë e zjarrtë me Leaon dhe Coman në qendër të vëmendjes për shkak të një shkëmbimi të mundshëm.
Megjithatë drejtuesit e kuqezinjve nuk mendojnë asnjë hipotezë për Leao dhe i vetmi objektiv është rinovimi i kontratës me portugezin. Lojtari më i mirë në Seria A, kërkohet me ngulm edhe nga Man City, ku njëjtë si Bayern Munchen, edhe drejtuesit e klubit anglez janë të gatshëm të sakrifikojnë një nga yjet e ekipit për të mbërritur tek ai (Jack Grealish).