BBC: Vuçiq objektivi kryesor i protestave në Serbi

Mijëra veta po protestojnë në Beograd kundër kreut serb, Aleksandar Vuçiq.

Protestat, kryesisht paqësore janë organizuar jashtë rezidencës zyrtare të presidentit që nga fundi i vitit të kaluar.

Kështu e nis shkrimin mediumi britanik, BBC, në një artikull kushtuar këtyre zhvillimeve, transmeton klankosova.

“Por tensionet u përshkallëzuan të shtunën kur protestuesin sulmuan ndërtesën e Radio Televizionit të Serbisë”.

“Megjithatë, Vuçiq tha se ishte i gatshëm të thërriste zgjedhje të menjëhershme për të provuar popullaritetin e partisë së tij”, thuhet tutje.

Në konferencën për shtyp të mbajtur nga Vuçiq e cila u transmetua drejtpërdrejt në “RTS”, ai tha se nuk iu frikësohej aspak protestuesve, të cilët ai i quajti huliganë.

Ai kritikoi gjithashtu opozitën, teksa e quajti Obradoviçin “fashist” dhe Djilasin “oligark”.

Në artikullin e BBC-së theksohet se protestat kundër Vuçiqit janë rezultat i pakënaqësive të protestuesve me politikat e presidentit serb.

Protestat filluan edhe si reagim pas sulmit fizik ndaj kryetarit të partisë socialdemokrate, Borko Stefanovi./Indeksonline/