BE po diskuton mundësinë që të ketë inspektime teknike për automjetet më të vjetra se 10 vjet

Bashkimi Evropian po diskuton mundësinë që të fus si ligj që të ketë inspektime teknike vjetore të detyrueshme për automjetet më të vjetra se dhjetë vjet. Këto janë planet aktuale të BE-së. Komisioni Evropian po përgatit aktualisht rregulla të reja mbi rreziqet shëndetësore dhe kërkesat e sigurisë për makinat e pasagjerëve dhe furgonët.

Megjithatë, propozimi i Komisionerit Evropian për Transportin i shqetëson shumë shoferë – ai synon kryesisht automjetet e vjetra, për të cilat ai dëshiron të prezantojë teste të reja për emetimet dhe grimcat dhe t’i dërgojë makinat e vjetra për inspektime teknike shtesë çdo vit. Ja tre ndryshimet më të rëndësishme që do të ndikonin më shumë tek automjetet e vjetra.

Kërcënimi më i madh për automjetet Euro 5 dhe Euro 6 vjen nga shtrëngimi i kritereve të testimit.

Sipas propozimit të Komisionit Evropian, kufizimet aktuale për emetimet dhe grimcat duhet të zbatohen edhe për makinat më të vjetra , d.m.th. modelet që plotësojnë standardin Euro 5b (të regjistruara para vitit 2013) dhe Euro 6c (të regjistruara para shtatorit 2018).

Aktualisht ekziston një pasiguri e konsiderueshme nëse kufijtë aktualë teknikë të emetimeve mund të zbatohen për automjetet për të cilat këto kufij nuk zbatoheshin ende në kohën e regjistrimit. Zbatimi pasues i këtyre kritereve të ekzaminimit mund të jetë i papërfunduar nga pikëpamja ligjore, pasi parimi i përgjithshëm ligjor përjashton një zbatim të tillë prapaveprues të rregulloreve./Indeksonline/