Beatrix bashkohet me Luanën dhe “thyen” heshtjen! Rrëfen ngjarjet që e kanë lënduar në të shkuarën

Luana Vjollca me projektin e saj më të ri i ka kushtuar një vëmendje të veçantë fenomeneve “plagë” të shoqërisë shqiptare, të tilla si dhuna dhe bullizimi ndaj grave e vajzave.

“Thuaje” nisi si një thirrje për forcë ndaj viktimave të abuzimit dhe u konkretizua me histori reale që na prekën zemrat.

Mbrëmjen e sotme, Luana u bashkua me këngëtaren Beatrix Ramosaj, e cila prej kohësh taahmë ka qenë në qendër të kritikave dhe bullizimit që pas daljes nga Big Brother Vip.

Teksa fliste për gjendjen e saj emocionale, këngëtarja tha se ka vendosur mos të heshtë më dhe t’u bëjë ballë gjithë njerëzve që e dhunojnë psikologjikisht.

Beatrix rrëfeu se bullizmin e ka përjetuar që në shkollë për shkak se ishte më e shëndetshme se fëmijët e tjerë.

“Që në shkollë e kam përjetuar. Të gjithë kemi karaktere të ndryshme dhe unë futem tek ata që janë më sensitive dhe janë tërhequr. Nuk më kanë pëlqyer asnjëherë konfliktet por kjo nuk domethënë që të tjerët të kenë të drejtën të të shkelin ose komentojmë. Kam qenë pak si shumë e mbushur dhe e kam përjetuar shumë. Por kalohet duke u rritur. Kjo gjëja bëhet edhe traumë. Lidhet me atë idenë, nuk kanë besim në vete. Të gjithë jemi të bukur në mënyrat tonë. Jemi të ndryshëm nga njëri-tjetri por jo perfekt. Rëndësi ka të kemi shpirt të mirë.”– tha ajo.

Teksa u ndal eshe tek eksperienca në “Big Brother VIP”, Beatrix tha se nuk e kupton gjithë mllefin e shpërthyer ndaj saj.

“Unë nuk bëra asgjë gabim dhe nuk e kuptoj dot gjithë negativitetin.”– u shpreh ajo referuar lidhjes me Donald Veshajn teksa shtoi: “Unë si fillim kur dola nga BBV…aty qëndrova për 100 ditë e izoluar pa asnjë informacion. Kur del nuk je në gjendje aq të mirë sa përpara. Ju e dini sa traumatike ka qenë eksperienca për mua. Më e rëndë se e të gjithëve. Jam përballur me një negativitet shumë të madh. Komente nga më të këqijat.”- u shpreh ajo.