Bebe Rexha shfaqet pa grim

Këngëtarja shqiptare me famë ndërkombëtare, Bebe Rexha, këto ditë është duke punuar në këngën e saj të re që do ta sjellë javën tjetër.

Ajo dhe DJ i famshëm botëror, David Guetta, kanë mbledhur sërish forcat për një bashkëpunim, ku kësaj radhe do të sjellin remiksin e këngës së famshme “Blue”.

E gjitha kjo erdhi në saj të një videoje, të cilën artistja shqiptare e publikoi pak ditë më parë në TikTok, ku tregonte se ata kishin realizuar vetëm versionin demo, por në fakt videoja shkoi virale me mbi 15.5 milionë shikime deri më tani dhe kërkesa të vazhdueshme që versioni i plotë të publikohet.

Megjithatë në videon e fundit, interpretuesja e hitit “Me, Myself and I” deshi të ndajë me fansat anën tjetër të saj – atë të dukjes natyrale të saj kur sapo zgjohet në mëngjes.