Befasi në Serie A, pas katër xhirosh prinë Udinese

Liga e futbollit italian Serie A, ka prodhuar disa rezultate të befasishme pas katër xhirove.

Pasi ka mbaruar java e katërt, emri i cili i prinë tabelës është Udinese.

Ata e morën kreun pas një fitore shumë të madhe me rikthim sensacional nga 2-0 në 3-2, në sfidën ndaj Parmas.

Ky rikthim edhe i shpërbleu me pozitën e parë për së paku një javë.

Udinese pas katër sfidave të para ka 10 pikë dhe ka lënë mbrapa Napoli me nëntë, Interi, Juventusin e Torinon me nga tetë sosh.

Ndeshja e radhës e Udineses është ndaj një rivali të fortë siç është Roma dhe mbetet të shihet nëse do të arrij rezultat pozitiv i cili do t’i vazhdonte lidershipin në krye të kampionatit italian.