‘Benzi’ hedh në ajër vajzën që po kalonte rrugën, video e përplasjes së frikshme në Tiranë

Një aksident i rëndë ndodhi paraditen së mërkurës në Tiranë. Një automjet tip “Benz” ka përplasur një vajzë e cila ishte duke kaluar rrugën.

Në videon e publikuar shihet se makina ka qenë me shpejtësi dhe pavarësisht se vajza tentoi të shmangej goditet fort nga automjeti.

Kanë reaguar qytetarët e pranishëm për ta ndihmuar vajzën.

Mësohet se vajza ndodhet në gjendje të rëndë në spital për shkak të plagëve të marra.

Ajo ndodhet në reanimacionin e Spitalit të Traumës ende në rrezik për jetën.