Bëri aksident në fillim të këtij muaji në Hajvali, vdes 39 vjeçari nga plagët e marra

Në fillim të këtij muaji, saktësisht në mëngjesin e 4 dhjetorit, në fshatin Hajvali ndodhi një aksident komunikacioni, ku u godit një këmbësor.

14 ditë pas aksidentit, këmbësori i goditur, nuk ka arritur t’i mbijetoj plagëve të marra dhe ka ndërruar jetë.

Rastin për Indeksonline e ka konfirmuar zëdhënësja e Policisë së Kosovës, Flora Ahmeti.

“Sot (18.12.2020), rreth orës 14:30 kemi pranuar informatën se këmbësori i lënduar në aksidentin e ndodhur me datën 04.12.2020, në fshatin Hajvali ka ndërruar jetë.  “

“Me rekomandim të prokurorit të shtetit trupi i pajetë i  viktimës B.Z (mashkull) 39 vjeç është dërguar në Institutin e Mjekësisë Ligjore për obduksion. Ndërkohë që me rastin po merren hetuesit e njësitit rajonal  të komunikacionit rrugor”, u shprehë ajo./Indeksonline/