Berisha e Durmishi të lënduar, Lazio merr një prift për t’i bekuar lojtarët

Lazio po kalon një periudhë të keqe momentalisht. Skuadra romake ka pësuar shumë lëndime gjatë javëve të fundit dhe gjithashtu është eliminuar nga Europa League.

Me pjesën tjetër gjatë fundjavës, për shkak të shtyrjes së ndeshjës Lazio-Udinese, skuadra e Inzaghit do të kthehet në fushë në Coppa Italia kundër AC Milan të martën dhe pastaj të shtunën në mbrëmje në derbin kundër Romës.

Për këtë arsye, Lotito ka zgjedhur të mbështetet në “fuqi më të larta” përpara këtyre ndeshjeve të rëndësishme, transmeton IndeksOnline.

Presidenti i Lazios njoftohet se solli një prift për të bekuar skuadrën dhe terrenin e trajnimit pas një sërë dëmtimesh.

Sipas asaj që raportohet nga Il Messaggero, presidenti Claudio Lotito ftoi një prift në Formello (qendra stërvitore) që të bekojë fushat dhe dhomat e dollapit me ujë të shenjtë para sesionit të trajnimit.

Ky lloj ‘ekzorcizmi’ do përdoret për të larguar episodet negative që kanë ndodhur në Lazio në këtë periudhë.

Kjo nuk është hera e parë që Lazio ka kërkuar ndihmë nga lartë, pasi një prift gjithashtu bekoi terrenin e trajnimit në vitet 2009, 2010 dhe 2013.

Vlen të theksohet që njëri nga lojtarët më të prekur nga lëndimet është pikërisht kosovari Valon Berisha.

Mesfushori i ekipit kombëtar të Kosovës mungoi në nëntë ndeshje të këtij sezoni si pasojë e këtij lëndimi, që i është paraqitur tri herë brenda gjashtë muajve.

Që prej transferimit të tij në Lazio nga RB Salzburg më 3 korrik të vitit të kaluar, Berisha ka bërë vetëm 14 paraqitje në të gjitha garat deri tani këtë sezon shkaku i lëndimit muskulor, i cili e ka përcjell gjatë gjithë kësaj kohe.

Poashtu edhe futbollisti tjetër me prejardhje shqiptare, Riza Durmishi, nuk po kalon një sezon të rehatshëm nga lëndimet. Ai deri tani ka vetëm 3 paraqitje këtë sezon në të gjitha garat. /IndeksOnline/