Berisha pas arrestimit të Ilir Metës: S’kanë konfirmuar asnjë fakt, asnjë dokument, por kanë zbatuar urdhrat e Edi Ramës

Kreu i Partisë Demokratike, Sali Berisha, ka reaguar pas lajmit të arrestimit të presidentit të Partisë së Lirisë, Ilir Meta.

“Persekutimi i Kreut të PL-së është politik. Nuk kanë konfirmuar asnjë fakt, asnjë dokument, por kanë zbatuar urdhrat e Edi Ramës, i cili është përpjekur me të gjitha mënyrat për eliminimin politik dhe ndoshta dhe fizik të Ilir Metës”, tha Berisha.

Presidenti i Partisë së Lirisë, Ilir Meta, është arrestuar me urdhër të SPAK-ut. Kreu i PL-së u arrestua pranë Casa Italia-s në kryeqytet./Indeksonline/