Berlin, fillon takimi për Ballkanin Perëndimor

Liderët e Gjermanisë dhe Francës, përfaqësues të shteteve të Ballkanit dhe përfaqësues të lartë të BE-së rreth orës 18:00 kanë filluar një takim me dyer të mbyllura në Berlin.

Takimi për shtetet e Ballkanit Perëndimor nën organizim të kancelares gjermane Angela Merkel dhe presidentit të Francës Emannuel Macron ka për qëllim përmirësimin e marrëdhënieve mes shteteve të Ballkanit Perëndimor.

E para së gjithash gjetja e një zgjidhjeje për të dalë nga qorr- sokaku në të cilën gjendet dialogu mes Kosovës dhe Serbisë.

Indeksonline është duke përcjellë nga afër zhvillimet në Berlin dhe do iu mbajë të informuar për detajet nga atje. /Indeksonline/