Beyonce rikthen në skenë yjet e famshme
Publiku i Las Vegas-it përjetoi një moment historik mbrëmjen e së shtunës, kur Beyoncé surprizoi fansat gjatë koncertit të fundit të turit të saj “Cowboy Carter” duke sjellë në skenë ish-anëtaret e Destiny’s Child, Kelly Rowland dhe Michelle Williams.
Artistet performuan për herë të parë së bashku që nga viti 2018, duke ndezur skenën e stadiumit Allegiant me hitet e tyre ikonike si “Lose My Breath” dhe “Bootylicious”. Ato gjithashtu interpretuan edhe këngën “Energy” të Beyoncé, gjatë së cilës realizuan sfidën virale “Mute Challenge”.
Para kësaj performance, ribashkimi i fundit i tyre ndodhi në Coachella 2018, ndërsa një tjetër moment memorabël ishte në Super Bowl-in e vitit 2013.
Turi “Cowboy Carter” i Beyoncé nisi më 28 prill 2025, menjëherë pas fitores së saj historike për Albumin e Vitit në çmimet Grammy. Në qershor, ajo u shoqërua në skenë nga bashkëshorti i saj JAY-Z në Paris, në një tjetër moment të rrallë për fansat.
