Biden paralajmëron se kërcënimi taktik i Putinit me armë bërthamore është ‘real’

Presidenti amerikan Joe Biden ka paralajmëruar se kërcënimi i Vladimir Putinit duke përdorur armë bërthamore taktike është “real”.

Gjatë fjalës së mbajtur nga një ngjarje në Kaliforni ditën e djeshme, Biden tha se njerëzit e shikonin atë sikur të ishte “i çmendur” kur ai ngriti shqetësimin për përdorimin e mundshëm të armëve nga lideri rus.

“Është e vërtetë“- tha ai, në një paralajmërim që vjen disa ditë pasi e quajti lëvizjen e armëve në Bjellorusi “absolutisht të papërgjegjshme”.

Megjithatë, analistët ushtarakë në Institutin për Studimin e Luftës patën një ton të ndryshëm me komentin e tyre të fundit mbi transferimin e armëve nga Rusia në Bjellorusi.

Në përditësimin e fundit mbi konfliktin, instituti me bazë në SHBA tha se ka “vlerësuar prej kohësh” se Moska ka të ngjarë të kërkojë të mbajë armë bërthamore taktike në Bjellorusi “në mënyrë që të konsolidojë kontrollin de facto” të fqinjit të saj – por ajo “ruan se ky dislokim ka shumë pak gjasa të ketë ndikime në fushën e betejës në Ukrainë”.

Presidenti i Bjellorusisë, Aleksandër Lukashenko i tha televizionit shtetëror rus javën e kaluar se vendi i tij kishte filluar të merrte armët, disa prej të cilave ai tha se ishin tre herë më të fuqishme se bombat atomike që SHBA hodhën në Hiroshima dhe Nagasaki në 1945.