“Bilbilat e Mushtishtit” sonte kthehen në Suharekë, në koncert Live

Nga data 19 shtator në qytetin e Suharekës ka filluar të mbahet festivali i Kulturës dhe i Verës i njohur me emrin “Festari”.

Festivali organizohet për çdo vit dhe këtë vit mbahet edicioni i 21-të, që është festë e të rinjve dhe e vjeljes së rrushit.

Për “Festarin” është përgatitur një program i pasur edhe me muzikë, ku në natën e sotme do të performojnë yjet e muzikës popullore.

Motrat Mustafa, Remzie Osmani, Shkurte Fejza, të cilat njihen si “Bilbilat e Mushtishtit” pritët që të krijojnë një atmosferë të paparë në sheshin e qytetit.

Kryetari i komunës, Bali Muharremaj në “Facebook” shkroi se mbrëmjen e sotme do të jetë koncert i veçantë për qytetarët.

Kujtojmë, që ky festival do të zgjas deri me datë 25 shtator./Indeksonline/