Blerim Kuçi pranon detyrën e ministrit të Ambientit, nga Abdixhiku

Blerim Kuçi sot e ka pranuar detyrën e ministrit të Ambientit, nga ish- ministri i Infrastrukturës dhe Ambientit, Lumir Abdixhiku.

Përmes një komunikate drejtuar mediave, Ministria ka njoftuar se Abdixhiku e ka informuar Kuçin lidhur me ecurinë e projekteve që janë duke u realizuar, investimet ndërkombëtare që janë gati për të filluar implementimi, arritjet, sfidat dhe tema të tjera me rëndësi në fushat që mbulohen nga ky dikaster.

“Kuçi e falënderoi Abdixhikun për punën e mirë në udhëheqjen e këtij dikasteri dhe shprehu vendosmërinë për realizimin e punëve të mira edhe më tej”, thuhet në komunikatë.