Blinken flet me fqinjtë e Rusisë, dënohet fuqishëm sulmi ndaj Ukrainës

Sekretari i Shtetit Antony J. Blinken foli sot me ministrin e Jashtëm të Letonisë Edgars Rinkevics, ministrin e Jashtëm të Lituanisë Gabrielius Landsbergis dhe Ministren e Jashtme të Estonisë Eva-Maria Liimets. 

Sekretari Blinken falënderoi shtetet baltike për mbështetjen e tyre të patundur ndaj Ukrainës dhe për pritjen e forcave të SHBA-së dhe NATO-s. 

Sipas një njoftimi të Departamentit të Shtetit, Blinken dënoi fuqishëm sulmin e paramenduar, të paprovokuar dhe të pajustifikuar të Rusisë ndaj Ukrainës dhe theksoi rëndësinë e unitetit të aleatëve për përgjigjen e fortë dhe të shpejtë ndaj agresionit të Rusisë.