BMW planifikon të ndërtoj fabrikën e dytë në Amerikë

Çdo gjë është në fazat e hershme të planifikimit.

Shitjet e BMW-së në Amerikën e Veriut dhe veçanërisht në Shtetet e Bashkuara vazhdojnë të rriten dhe kompania bavareze po konsideron masa për zgjerimin e saj.

Një mënyrë e mundshme është një fabrikë e re me bazë në Amerikë ku mund të ndërtohen transmisionët dhe motorët.

Kjo është ajo që CEO i BMW-së, Harald Krueger, u tha përfaqësuesve të medias gjatë ditës së parë të La Auto Show, transmeton IndeksOnline.

“Ne jemi në pozicion ku duhet të mendojmë për një vendndodhje të dytë”, tha Krueger për Automotive News në LA.

Fabrika e vetme amerikane e BMW-së aktualisht është fabrika e Spartanburgut, e cila është shtëpia e modeleve X4, X5, X6 dhe X7 SUV.

Modelet e tjera jo-SUV të BMW-së importohen në Shtetet e Bashkuara nga vende të ndryshme anembanë botës. Vendi tjetër i prodhimit të markës së Amerikës së Veriut është vendosur në Meksikë, ku seria e re 3 do të prodhohet nga viti i ardhshëm.

Ndërkohë, BMW do të investojë rreth 1 miliard euro (rreth 1.17 miliardë dollarë në kurset aktuale të këmbimit) në një fabrikë të re pranë Debrecen në Hungari. /IndeksOnline/