Borë në Florida pas 29 vitesh
Banorët e veriut të Floridës nuk kishin parë kurrë dëborë që prej tre dekadash, derisa vala e të ftohtit që goditi bregun lindor të SHBA-së i preku sot.
Shërbimi meteorologjik kombëtar amerikan paralajmëroi kundër një stuhie të ashpër dimërore që do shkaktonte reshje të dendura dëbore, nga pjesa jugore e Floridas deri në rajonin e New Egland në verilindje të vendit.
Një paralajmërim për stuhi është bërë për qytetin e Nju Jorkut ku priten tetë deri në 18 centimetra dëborë mbrëmjen e sotme.
“Tallahassee, kryeqytetii Floridas në veri të “Sunshine State” u zgjua sot me një shtresë dëbore prej 0,25 centimetrash, për herë të parë që prej 1989″, sipas Weather Channel.
Stuhia ka shkaktuar tashmë mbylljen e rrugëve në Florida dhe një juglindje të Xhorxhias, ku guvernatori, Nathan Deal ka shpallir gjendjen e urgjencën në zonën bregdetare.
Qyteti i Nju Jorkut po përjeton temperatura të ulëta rekord që prej Krishtlindjeve. Të paktën 11 persona kanë humbur jetën në SHBA, si pasojë e motit të ftohtë.