Borrelli takohet me liderët e BP-së, Osmani dhe Vuçiqi nuk janë në të njëjtën fotografi

Kryediplomati i Bashkimit Evropian, Josep Borrell ka pritur liderët e Ballkanit Perëndimor, në takimin tradicional të margjinës të Asamblesë së Përgjithshme të Kombeve të Bashkuara.

“Ishte kënaqësi të prisja liderët e Ballkanit Perëndimor. Rritja e ndikimit keqdashës që minon përpjekjet për reforma në rajon tregon se ne duhet të bashkëpunojmë edhe më ngushtë”, është shprehur Borrell.

Po ashtu, kryediplomati shprehet se ‘së bashku, ne do të krijojmë një BE më të sigurt dhe më të begatë’.

Borrell në rrjetin social X, ndau dhe disa foto me liderët e Ballkanit Perëndimor, ku në krahë të tij shihet presidentja Vjosa Osmani, dhe kryeministri i Shqipërisë, Edi Rama.

Në të njëjtën fotografi nuk është edhe presidenti i Serbisë, Aleksandar Vuçiq, teksa akoma nuk dihet nëse ai dhe Osmani kanë refuzuar të jenë në të njëjtin portret.

It was a pleasure to host the Western Balkan leaders for our traditional meeting on sidelines of #UNGA79

Rising malign influence undermining reform efforts in the region shows that we need to collaborate even more closely

Together, we will forge a more secure & prosperous EU. https://t.co/syQS6fpmbn pic.twitter.com/SUFwHfhmNY

— Josep Borrell Fontelles (@JosepBorrellF) September 25, 2024