Brenda vendpushimit luksoz të Princit William dhe Kate Middleton në Karaibe

Qëndrimi luksoz i Princit William dhe Kate Middleton në një resort në Bahamas përfshin sushi, veshje të shtrenjta, siguri të përforcuar e shumë rum.

Duka dhe Dukesha e Kembrixhit morën trajtimin mbretëror gjatë qëndrimit të tyre dy netë në hotelin “The Cove” në Atlantis Paradise Island për ndalesën e fundit në turneun e tyre në Karaibe.

“Ata ishin miqësorë me stafin në resort, duke u buzëqeshur mysafirëve që kaluan. Dukej sikur ata e shijuan qëndrimin e tyre”, tha një burim për Page Six, duke shtuar se çifti kishte një orar shumë të ngjeshur, por dukeshin “të lumtur” dhe “të relaksuar” kur ishin kthyer në hotel.

William dhe Middleton qëndruan në suitën me tre dhoma gjumi të resortit Ritzy, 4 mijë e 830 metra katrorë, i cili përfshin pamje nga oqeani, një zonë të madhe ndenjeje, një zyrë dhe një kuzhinë me shërbim të plotë.

Po ashtu, u bë e ditur se dyshja kanë marrë pjesë në disa aktivitete në natyrë, me burimin që thotë se në një moment ata “u kthyen nga lundrimi në shi” dhe “u lanë dhe u kthyen në resort duke qeshur”.