18:45 / E Hënë, 16 Shtator 2019

Brestovci synon inkuadrimin e diasporës në politik bërje në Kosovë

Kandidati për deputetë nga radhët e Nsmës  Socialdemokrate, Bekim Brestovci, ka treguar pse ka lënë diasporën për t’u kthyer  jetuar e vepruar në Kosovë.

Brestovci që për gati tri vjet ishte drejtues i Unionit të Bizneseve shqiptaro gjermane, ka thënë  se njw nga arsyet që është kthyer në Kosovë është avancimi i të gjitha projekteve, të cilat kanë qenë pjesë e platformës së Unionit të Bizneseve Shqiptaro-Gjermane.

“Arsyeja ka qenë shumë e thjesht dhe lidhet konkretisht me diasporën. Unë kam konceptuar një projekt timin, i cili ka të bëjë me kyçjen e diasporës në politikbërje dhe në jetën aktive politike. Ka qenë një koncept, të cilin e kemi biseduar edhe me partitë tjera politike, sepse nuk ka qenë enkas i dedikuar vetëm për një subjekt politik. Natyrisht që hapsirën më të madhe të veprimit e kam parë te Nisma Socialdemokrate dhe për këtë qëllim jam orientuar edhe te Nisma Socialdemokrate”,ka thënë nder të tjera Brestovci.

Më tutje ai ka thënë se edhe Nismës i është rritur përkrahja në diasporën dhe se kjo parti shpejt do të themelojë një depertament të vecantë për diasporën

“Department i cili do e radhis diasporën në strukturat udhëheqëse të partisë, qoftë në Këshillin Qendror apo në Kryesi. Por, do të ketë pastaj edhe vende të rezervuara në lista, si dhe pjesëmarrje parciale edhe në qeverisje, në dikasterë të qeverisë. Kjo është risia që unë kam sjell në Nismën Socialdemokrate dhe arsyeja ime e qasjes është drejtpërdrejt në krijimin e mundësive që diaspora të ketë inkuadrim të drejtpërdrejt në politik-bërjen time në Kosovë”, ka shtuar ai.

Kandidati për deputetë ka thënë se diaspora ka motiv shtesë për të votuar Nismën, sepse për herë të parë ka një përfaqësues në diasporë, i cili garon për deputetë më një koncept për diasporën përbrenda subjektin që përfaqëson.