Britania, drejt zgjedhjeve në rast se shtyhet Brexit-i
Kryeministri britanik do kërkojë zgjedhje të parakohshme nëse Bashkimi Evropian propozon shtyrjen e Brexitit deri në janar.
Marrëveshja e Boris Johnsonit u hodh poshtë nga deputetët, të cilët vendosën të mos e miratonin në Parlament.
Tani liderët e BE-së do vendosën nëse do shtyjnë afatin e Brexitit pas 31 tetorit.
Një letër që Johnsoni u detyrua me ligj t’ia dërgonte bllokut pasi nuk arriti të siguronte mbështetjen për marrëveshjen e tij të shtunën, kërkon një zgjatje prej tre muajsh.
Por një burim për BBC-në thotë se kryeministri nuk do pranojë një zgjatje kaq të gjatë të Brexitit.
“Të shtunën Parlamenti britanik kërkoi një vonesë deri në janar. Nëse Brukseli bie dakord, atëherë e vetmja mënyrë që vendi të ecë përpara është të organizojë zgjedhje. Ky parlament ka rënë”, tha një burim i kryeministrisë.