Britania e Madhe do të heq izolimin në katër faza
Izolimi i Anglisë do të hiqet në katër faza. Lajmi është konfirmuar nga kryeministri Boris Johnson .
“Kufizimet në Angli do të hiqen me një plan me katër faza deri më 21 qershor,”- ka njoftuar kryeministri Boris Johnson .
Në fazën e parë, të gjitha shkollat në Angli do të hapen nga 8 Marsi dhe njerëzit do të lejohen të shoqërohen në parqe dhe hapësira publike me një person tjetër.
Nga 29 Mars, kur fillojnë pushimet shkollore të Pashkëve, grupe me deri në gjashtë persona ose dy familje do të lejohen të mblidhen në parqe dhe kopshte.
Ndalimi ndërkombëtar i udhëtimit aktualisht në fuqi do të shqyrtohet, vendimi do të merret para datës 17 maj.
Masat e tjera nga Kryeministri përfshinë:
Nga 12 prilli dyqanet, parukierët, sallonet e thonjve, bibliotekat, atraksionet në natyrë dhe vendet e mikpritjes në natyrë siç janë kopshtet e birrës do të rihapen.
Nga 17 maj, dy familje ose grupe me deri në gjashtë persona do të lejohen të bashkohen, ndërsa në ngjarje sportive do të lejohen një numër i kufizuar njerëzish.
Nga 21 qershori, të gjitha kufizimet e mbetura për kontaktet sociale mund të hiqen.
Krahas planit me katër hapa, Kryeministri nisi një seri rishikimesh, përfshirë nëse njerëzit duhet të jenë në gjendje të tregojnë nëse kanë marrë një vaksinë Covid-19 apo një test negativ.
Puna do të shqyrtojë nëse “Certifikimi i statusit Covid” mund të ndihmojë në rihapjen e ekonomisë duke lejuar njerëzit që kanë marrë një dozë ose kanë një test negativ të bëjnë gjëra që nuk do të lejohen për ata që nuk mund të provojnë statusin e tyre.
Deri më 21 qershor do të shqyrtohen kërkesat e distancimit social, përfshirë përqafimet me miqtë dhe të afërmit, përdorimin e maskave dhe kërkesat për të punuar nga shtëpia.
Planet e Kryeministrit për heqjen graduale të kufizimeve midis marsit dhe fundit të qershorit pritet të votohen nga parlamentarët.
Që prej fillimit të pandemisë në Britaninë e Madhe janë shënuar 4,115,509 raste infektimi dhe kanë ndërruar jetë 120,580 pacientë.
