Britney Spears feston ditëlindjen/ Ulje-ngritjet e “princeshës së popit” gjatë këtyre vjetëve

“Princesha e popit” Britney Spears feston sot ditëlindjen e 44-të.

Një nga yjet më të mëdhenj të muzikës pop të shekullit të 21-të, ka thyer rekorde që nga kënga e saj e parë, transmeton Indeksonline.

Britney Jean Spears lindi më 2 dhjetor 1981 në shtetin amerikan të Misisipit. Ajo filloi të ndiqte kurse vallëzimi dhe këndoi në një shfaqje kur ishte vetëm katër vjeç.

Ajo ndoqi kurse këndimi dhe vallëzimi gjatë gjithë fëmijërisë së saj dhe garoi në shfaqje talentesh, të cilat i fitonte rregullisht. Ishte tetëvjeçe kur bëri audicion për shfaqjen televizive “The Mickey Mouse Club”.

Ajo i bëri përshtypje gjyqtarëve, të cilët i këshilluan prindërit e saj ta regjistronin në një shkollë prestigjioze këndimi në Nju Jork. Ishte në “The Mickey Mouse Club” që ajo takoi Justin Timberlake, Christina Aguilera dhe Ryan Gosling, të cilët ishin të gjithë të të njëjtit brez yjesh të rinj.

Ajo u përpoq të depërtonte në skenë si këngëtare solo, por të gjitha kompanitë e mëdha diskografike e refuzuan sepse besonin se publiku po dëshironte grupe të reja si The Backstreet Boys ose Spice Girls.

Ajo ishte vetëm 17 vjeçe kur udhëtoi për në Suedi për të regjistruar një pjesë të albumit të saj debutues. Pas kthimit në Shtetet e Bashkuara, ajo vizitoi qendrat tregtare dhe për një kohë performoi vetëm katër këngë para koncerteve të NSYNC. Në shtator të vitit 1998, u publikua kënga e saj e parë “…Baby One More Time”. 

Britney pushtoi skenën botërore duke lansuar hite këngësh. Mediat e ndiqnin në çdo hap dhe ajo pa u lodhur udhëtoi nëpër botë./Indeksonline/