Buffoni tregon se çfarë i tha Neymarit për ta motivuar

Gianluigi Buffon kaloi një vit në Francë, duke mbrojtur portën e PSG-së në Ligue 1.

41- vjeçari u rikthye në Torino te Juventus, derisa është ndalur për të folur edhe për Neymarin.

Ai ka thënë se fliste shpesh me brazilianin, duke e motivuar në maksimum, shkruan Indeksonline.

“Unë shpesh flisja me të. Unë i thashë: ti je i jashtëzakonshëm, ju jeni 26 vjeç dhe nuk keni fituar ende Topin e Artë“, ka thënë Buffon.

“Ju duhet ta keni fituar atë edhe pse është Messi dhe Ronaldo. Ju nuk duhet të prisni derisa ata të ndalen sepse ju jeni aq të fortë sa ata“, ka treguar portieri italian për atë që i ka thënë Neymarit.

Buffoni ka bërë 17 paraqitje me fanellën e PSG-së. /IndeksOnline/