Buja viziton disa bujq, zotohet do të ndërmerr masa specifike që i fuqizojnë fermerët

Kandidati për kryetar të Lipjanit, Shukri Buja është zotuar se do t’i mbështes fermerët, duke u ofruar kushte më të mira për prodhim, ruajtje, si dhe tregim të produkteve bujqësore.

Buja në Facebook ka shkruar se fermeri i Lipjanit duhet të jetë i mbështetur, sepse bujqësia ka potencial të madh zhvillimi në krahasim me sektorët tjerë në Lipjan.

“Sot vizituam vëllezërit Hashim, Ruzhdi dhe Kadri Krasniqi nga Konjuhi, fermerë shembull për kultivimin e perimeve, veçanërisht të patates. Me mbi 50 hektarë të mbjellë dhe me eksport edhe në Shqipëri, ata tregojnë se bujqësia e Lipjanit ka potencial të madh zhvillimi”, shkruan ndër të tjera ai.